Sing soos jy gebek is

noah-rosenfield-41542

Baie dankie aan Prof Malan Nel wat my weer herinner het aan hierdie mooi idioom uit die Noord-Kaap: “Elke voël sing soos hy gebek is” wat beteken elkeen handel na sy aard en volgens sy eie insigte.

Vir die pessimis beteken dit die voёl is so gemaak en aan sy snawel en sang is geen salf te smeer nie. Vir die optimis beteken dit jy weet presies wat om te verwag van elke spesie en geen voёl sal jou spoed kan breek of jou onverhoeds betrap met sy vals note of skril gekras nie. Voor daai voёl nog sy snater gaan rek, weet jy reeds wat daar gaan uitkom. Vir ‘n voelgoed blogger beteken dit daar is ‘n koor vir elke voёl, want elke stem het ‘n spesiale plek in die ekosisteem van die gemeenskap, skool, kerk, werk en huis.

Miskien is dit waar dat jou toonhoogte mense bang maak, of jou ritme die hele taakspan van balans af gooi. Moontlik dien jy net op die verkeerde komitee of swoeg jy saam met die verkeerde projek. Elke mens kan net dien met dit wat hy is, of gee wat hy het.

Dis eers as jy jou eie waarde besef, dat jy jou volle potensiaal kan bereik. As jy weet wat jou gawes en talente is, kan jy dit aanwend waar jy die gelukkigste sal wees.

Dit is ook waar dat ‘n voёl van veer kan verander, maar nie van kleur (of bek nie) nie, maar dit sê nie dat mense nie nuwe musiek of sangvaardighede kan aanleer nie. Insigte kan verander, belangstellings kan uitbrei en talente kan ontwikkel word. As iets jou opgewonde maak is dit waarskynlik ‘n terrein waarop jy sal floreer. Soms moet ‘n mens maar blom waar jy geplant is en soms moet jy jou vlerke sprei en voёls van eenderse vere gaan opsoek sodat julle saam die mooiste musiek kan maak.

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s