Want jy is ‘n plekhouer

alvaro-serrano-133380In ‘n inspirerende brief skryf ‘n gemeentelid in die VSA hoe gelowiges ligtorings en plekhouers moet wees.  Dit het my laat onthou van al die mense op my pad wat my in die Kinderkrans, CSV en kerk ingelok het. Plekhouers het my omgepraat om tot in Malawi te gaan op ‘n uitreik, om kerke, kore en kleingroepe te help bou en dinge te beleef wat my menswees gevorm het.

Vir my was dit nooit die suiwerheid van die teologie, die kwaliteit van die liturgie of die standaard van die prediking nie. Ons is geskep as verhoudingswesens. Dit was die saamwees en gevoel van behoort tussen onperfekte mense vol liefde, humor en lewensvreugde. Dit was die mense wat bly pleit het: “kom saam, dit gaan lekker wees!”

Plekhouers het al elke preek gehoor en kan ewe goed tuis kerk hou, maar plekhouers verstaan iets van die genade, die gasvryheid en dissipline van die evangelie. ‘n Plekhouer verstaan hoe belangrik dit is om daar te wees – vir ander. Hulle gaan op die kamp of uitreik en neem deel aan die fondsinsameling en lofprysing, sodat iemand anders dit nie alleen hoef te doen nie. Hulle inspireer en verwelkom nuwelinge om in te skakel en bind hul vas in die familie van medegelowiges.

Dr. Malan Nel sê daar moet altyd ‘n leё stoel in ‘n kleingroepbyeenkoms wees, om ons te herinner dat ons nog nie voltallig is nie. As gemeente is ons nooit eksklusief en geslote nie. Dis elke lidmaat se opdrag en voorreg om dissipels te maak en deur ons menswees, ander in te nooi in ons samekomste, waar hul uiteindelik iets van God self ervaar.

Stuur ‘n uitnodiging, bied aan om iemand op te laai, wag iemand in met ‘n warm glimlag en groot beker koffie. Wees daar met entoesiasme en die verwagting dat die Here ‘n afspraak het met iemand. Bou ‘n brug van vriendskap en aanvaarding. Gun iemand wat dit baie lanklaas in ‘n kerk gewaag het, ‘n veilige landing. Jy het miskien nie nodig om daar te wees nie, maar jy is, want jy is ‘n plekhouer.

Advertisements
This entry was posted in Uncategorized. Bookmark the permalink.

2 Responses to Want jy is ‘n plekhouer

  1. Gerba deKlerk says:

    Sooo mooi gestel Mooi dag vir julle Baie geluk met Richertjie se verjaarsdag, Saterdag Nou raak di baba’s groot x

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s