Positiewe Ritmes

img_7253

My hart vermurwe elke keer as ek ‘n ouer persoon sien loslit raak op ‘n ou liedjie met ‘n hoogskop ritme. Daar is twee waardige Tswana oumas in my water-aerobics klas wat die heupe gooi op Patta Patta se remix en die eertydse voedvrou sing sommer al die woorde hardop saam met Queen. Meeste van my ouer aqua vriendinne voel hulle het alleenreg op rock’n roll, bob en boogie. Selfs die atletiese dame wat getrou kom al het sy net een voet, se oë vonkel as ons begin twist en jive.

Daar is vir my min dinge meer hoopvol as ‘n groep jongmense wat spontaan begin saamsing op ‘n stadsplein, lughawe, trein of êrens op ‘n sportveld. Niks lekkerder as die dreunsang van ‘n nasie wat trots sy span op die veld tot oorwinning stu nie. As jy al ‘n jemba drom in ‘n groepsessie leer slaan het, sal jy weet hoe kragtig musikale samesyn is. Ek het nog nooit gesien dat iemand nie glimlag as klein kindertjies saam sing en dans op ‘n konsert nie.

Navorsing het bewys het enige iets wat ritmies in ‘n groep saamgedoen word, groot mediese en terapeutiese waarde het. Koorsang en dans is baie suksesvol aangewend onder kinders wat trauma beleef het. Iets gebeur met ‘n mens se breingolwe wat so ongelooflik goed en genesend is. Musiek maak mens sag en ontvanklik vir alles wat mooi is. Geen kind word toondoof gebore nie en alle kleintjies dans as musiek begin speel. Iewers verloor party mense die gawe van musiek.

In ‘n land waar almal agterdogtig en getraumatiseerd is, kan saamwees regtig vrede bring. Ons moet meer moeite doen om in ‘n groep te sing, dans, baljaar, loof, wikkel en lag. Waar ‘n selfs ‘n klein groepie mense bymekaar is, transformeer kadens en reëlmaat die sosiale wanorde. Waar die ritmes en die klankgolwe in mekaar vloei, verdwyn ons selfbeheptheid, apatie en angstigheid. Ek glo in die Goddelikheid van saamkom en ‘n stuk kuns skep.

Advertisements
This entry was posted in Uncategorized. Bookmark the permalink.

One Response to Positiewe Ritmes

  1. travel460 says:

    Hierop kan ek werklik amen sê!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s